الإعلام ليه دور كبير في حياتنا، وخصوصًا في الحفاظ على ثقافتنا وهويتنا. في الفيديو الجديد من سلسلة “الإعلامي الصغير” هنتكلم عن إزاي الإعلام بيعكس تاريخنا، وبيخلّي العالم كله يعرف عنّا، وكمان بيساعدنا نحافظ على لغتنا من خلال البرامج والإعلانات اللي بتتكلم بلغتنا.
لو كنت شفت الفيديو الأول اللي اتكلمنا فيه عن معنى الإعلام، وكمان الفيديو التاني عن أهميته، فده وقت إننا نعرف إزاي نختار الإعلام الصح! لأن مش كل حاجة بنشوفها بتفيدنا، وبعض المحتوى ممكن يغيّر من أفكارنا وثقافتنا من غير ما نحس.
علشان كده لازم نكون أذكياء، ونعرف نختار المحتوى اللي يناسبنا، ونسأل نفسنا: هل اللي بنتفرج عليه بيعبر عنّا؟ هل بيعلمنا حاجات مفيدة؟
تابعوا الفيديو الجديد من سلسلة “الإعلامي الصغير” علشان نعرف أكتر إزاي الإعلام بيحافظ على هويتنا… وإزاي إحنا كمان نقدر نحافظ عليه!
